ආදරේත් මහ පුදුමයක්මයි

බිදුනු හසරැලි අතින් ඇහිදන
සොඳුරියේ නුඹ එදා කී ලෙස
ආදරේ මහ අරුමයක්මයි
කුළුදුලේ හිත මියැදිලා ගිය
ආදරේත් මහ පුදුමයක්මයි

ගොළු හදින් ඇසින් ඇස එක ඉඟියකින්
සොඳුරියේ නුඹ හා බෙදාගත්
ආදරේ මහ පුදුමයක්මයි
අතින් අත හැර හිතින් අල්ලන
හැඟුමකින් වෙලා රිදවන
ආදරේත් මහ අරුමයක්මයි

කියා නොකියා හිත කොනිත්තා සිහිනෙකින්
සොඳුරියේ නුඹ ඇවිත් යන විට
ආදරේ මහ අරුමයක්මයි
කියනු බැරි වී සිතා ලත වෙන
සුසූමකින් යළි සිතට ගුළිවන
ආදරේත් මහ පුදුමයක්මයි