දෙවියනි,

දෙවියනි,

ප්‍රාර්ථනාවන්ට සවන් දෙන

දේවදුතයකු එවන්න,

දන්නවද? මට අවැසි

මේ කවිය ඈ දෙතොල් මත තබන්න

දෙවියනි, එපමණක් නොව,

මායා දැත් ඇති සුරදුතයකුද එවන්න,

ඇත්තමයි මට අවැසි

සිහිනයක් ඈ දෙඇස අලවන්න

දෙවියනි,

ඔබ යදින මොහොතකදී පවසන්න

ආදරය ඇත්තේ ඈ තුළද, ඒ හදවතද,

දෙවියනි,

මට දිශාව පෙන්වන්න

වහ වහා ඒ ආත්මයේ සැතපෙන්න

දෙවියනි,

ඔබට කිනම් පඩුරක් අවැසිදැයි පවසන්න

හදවතේ ලිපිනය සමඟ

මේ කවිය ඈ වෙතට ගෙන යන්න

“මොහොතක් සන්සුන්ව හිදින්න”

දෙවියනි,

මේ යාඥාවට පසුත් එලෙස නොපවසන්න.

හදවත සුවඳ විලවුන් ඈ මුවඟ නොගැවී

දසත දස අත  විසිර යන හැටි

අඩවන්ව නොඉඳ දෙනෙත් හැර බලන්න