මා පහන් දැල්ලක්ය

සිහිනෙකි සිහිනෙකි ඔබ රුදුරු සිහිනෙකි

දෑස් රිදවා යන්න කඳුළු බිදුවක එතුන
පෙමක මිහිරැති සුවඳ පරව මියයන කලෙක
යදම් සහසක පහර දරමි හදවත පතුල

ඔබ නොමැති ලොව අරුත කිනම් පැහැයද නොදැන
පෙම් කරමි අඳුරටම ඔබව මතකෙට ගෙනෙන
සැලෙන ඔබ නිවාදැමු මා පහන් දැල්ලක්ය
සුසුම් හුස්මට ඔබේ පෙම් කරන පහනක්ය

කඳුලකි කඳුලකි ඔබ රුහිරු කඳුලකි
අහිමි සුව මතකයක ජිවිතය තනිකරන
පෙමක උණුසුම් සුවය හළුව දැවෙනා කලෙක
කුළුණු එක්ටැම් සිරස සගවමිය හද නිමල

ඔබ ලඟක නැති විටක යයුතු සදිසා නොදැන
නතර වෙමි එතැන මම ඔබව දැසට පෙනෙන
ගලන රුහිරෙන් වැසුණ සොලොස් කල පිරි සඳය
එදා ඔ⁣බේ සඳ මම ය දැන් අමාවක දිගුය