මේ ගමන දිගු වෙන්න පුළුවන්, කෙටි වෙන්නත් පුළුවන්
එහෙම දිගු,කෙටි ගමන් වල කළු, සුදු අහුමුළු සොයා පදවන යාත්‍රාව

Tuesday, November 27, 2018

විරාම


සමහර විරාම ;
නුඹවත් නුඹේ මතකත්
අමතක කරනු පිණිසය.

තවත් සමහර විරාම ;
ආගිය මඟක අතැර ආ
දුහුවිලි සුගන්ධ සිනාවන් සොයනු පිණිසය.

විටෙක නොහිතා තබන විරාම ;
කැබැලි වි ගිය රුවක සේයාවක්
හදබිතේහි රක්තවර්නයෙන් අඳිනු පිණිසය.

දිගුම තත්පරවලින් තබන විරාම ;
ප්‍රේමයේ තුෂරබිඳු වලින් මුවක් නැහැවෙන
හිමිකමක් හිත දරණු පිණිසය.

සැලසුම් සහගත විරාම ;
අහිමි හදවත් අතර රැදෙන්නට නොහැකිව
මා නොවන මා සොයනු පිණිසය.

සමහර විට යළිත් එළැබෙන විරාමය ;
අහඹුවක් විලසින් සිනාවෙන් හා කඳුලෙන්
සමුගෙන නොපෙනී යාම පිණිසය.


1 comment:

කැමැත්තෙමි

මම ලියන්නට කැමැත්තෙමි. මහ පොළව මත හිද , මහ විසල් අහස ගැන....   මම සිතන්නට කැමැත්තෙමි. තත්පරත් මියෙන අවකාශයක සිට , හිතක නොමියෙන සිනහවන් ගැන.....