මේ ගමන දිගු වෙන්න පුළුවන්, කෙටි වෙන්නත් පුළුවන්
එහෙම දිගු,කෙටි ගමන් වල කළු, සුදු අහුමුළු සොයා පදවන යාත්‍රාව

Friday, November 5, 2021

සිප්පි වෙරළක්

 

ඔබ ගිලෙන මුහුදක්
ආදරේ රළ  නොපිට පෙරළන
ප්‍රේමා'තුර (සිප්පි) වෙරළක්
අඩ පැයෙන් පැය හඬවන
 
මුදු හාදු තවරගත් වැස්සකට
කම්මුලක් පාන කෙල්ලක්
වැහි තුරල් වු පසුවට
හිත රිදවගත් තරමක්
නිහඬ මුහුදක් දැන ගනීවිද
රළ මතට මුදු වැහි වට හතක් වැටුණත්
 
ඔබ නිහඬ මුහුදක්
ආදරේ රළ දියඹ සඟවන
ප්‍රේමාතුර (සිප්පි) වෙරළක්
බඳා වැළපෙන ලකුණු නොතියන
 
තනි වූ නැවියෙක් දුටුවම
මඟ කියන තරුවක්
පාව යයි  එදෙසට
මුණ ගැහෙන තුරුම වැල්ලක්
ගිලෙන මුහුදක් දැන ගනීවිද
ආදරේයි මේපමණක් ගඟක් පැවසුවත්
 
ඔබ අහිමි මුහුදක්
මතක සැඬ රළ උපද්දන
ප්‍රේමාතුර (සිප්පි) වෙරළක
රටා ඇදි පා ලකුණු නරඹන



3 comments:

  1. කවිය අපූරුයි. ඒත් බලන්න යනකොට ඇඩ් පේජ් එක්කට රිඩිරෙක්ට් වෙන එක නං එපා වෙනව ඕං

    ReplyDelete
    Replies
    1. ස්තුතී.
      ඒ වගේම අවන්හලටත් මම ගොඩ වැදුනා.හරිම අපුරුයි. හිමින් එකට එකතු වෙන්නම්.

      ඇඩ් පේජ් එකට රිඩිරෙක්ට් වීම මට හරිගස්සන්න පුළුළුන් නම් මම ඒක බලන්නම්. ඒ ඒ ගැන ලොකු දැනුමක් නම් නැ

      Delete
    2. ඇඩ් සෙන්ස් හරි මොනව හරි ඇඩ් කළාම තමා ඒම වෙන්නෙ. බලන්නකො. 🙂

      Delete

C ට ආදරෙන්

  ආදරණීය C, මේ වෙන්වීම මට දැනුනේ අපෙන් අපව තවත් දුරස් කරවන හැඟිමක්, ඔබව - මට වසර ගණනාවකින් හමුවෙලා නැහැ, ඔබ - මම වසර ගණනාවකින් කතාබහ කරලා නැ...