Friday, March 17, 2017

ආදරය යනු



ආදරය යනු හිමි වීම නොව,
අවැසි වු කළ අතැර යන්නට
යන්න කියමින් ඉඩක් දිමය....

එහෙත් හදවත ගැඹුරු තැන්වල
ඉතිරි කර ගත් මතක සිරුම්
ඇඟිල්ලෙන් ඇණ පාරවාගෙන
ගලන රුහිරෙන් කවි ලීවීමය....

මුල මැදක අග කොහෝ හෝ
නතර වී යළී බැලු විටකදි
ඒ සිනහාවම පෙනෙන විදිහට
කවි පේළී වල ඉඩක් තැබුමය....

කඳුළු එන විට රිදුම් ලබනා
නෙත් පියළි අඟ සිනහා ගවසා
මියුණූ හදවත වසා ගන්නට
කවියකට ජීවිතය දීමය....

ආදරය යනු හිමි වීම නොව,
අතැර යන්නට ඉඩක් දීමය
අතැර ගිය පසු නොපිරේනා
ඉඩක් කවියට ඉතිරී වීමය..... 





9 comments:

  1. හොදම ටික
    //ආදරය යනු හිමි වීම නොව,
    අවැසි වු කළ අතැර යන්නට
    යන්න කියමින් ඉඩක් දිමය....//

    ReplyDelete
  2. කඳුළු සඟවන ආදරේ
    සිනහ උපදින ආදරේ
    වචන මවන මේ ආදරේ
    කවට පණදෙයි ආදරේ.....

    ලස්සනයි යාත්‍රා.....

    ජයවේවා!!!

    ReplyDelete
  3. ආදරය යනු හිමි වීම නොව,
    අවැසි වු කළ අතැර යන්නට
    යන්න කියමින් ඉඩක් දිමය.

    මාරම මාර ටෝක් එකක් මේක නම්

    ReplyDelete
  4. ඔව් ඒක හැම තිස්සෙම එහෙමමයි...කවි බොහොමයක් උපදින්නෙ ඒ නිසා මයි

    ReplyDelete
    Replies
    1. Love is giving... and it is easier to give...

      Nice one...

      Delete