මා මිතුරු හඳ පලුව

මා මිතුරු හඳ පලුව ඈ වෙතට ඔබ                     යන්න

මතක ඉසියුම් තැනක් ඈ හදෙහි සිඹ                  එන්න
නෑ ඔතන නවතින්න ඈ ලඟින් ඔබ                    ඉන්න
කඳුළු අහුරක් අරන් පිණි ලෙසින්                   වස්සන්න

බත ඉදෙන තුරු පමණි නොහොඳ මා දැන්         උන්න
ඈ හදෙහි ලතෙත් බව වියැලුණිද                    විමසන්න
මේ කුළක ඔතා එවනා හාදුවක්                      පිළිගන්න
මා මිතුරු හඳ පලුව ආරාධනා                         කරලන්න

මහද මැදුරක කුටීයේ ඈ කඳුළු                       සතපන්න
ඉඩ තබා ඇති බවක් ඈ නමින්                         දිව්රන්න
අහංකාරෙන් එවිට අහක බැලුවොත්                  ඔන්න
මට අයිති වස්තුවකි ඔබ තරහා නොම                ගන්න

මා මිතුරු හඳ පලුව ඈ වෙතට                        පවසන්න
ඉන්ද්‍ර දිග මෝසමකි මගේ හද දුක්                  ගොන්න
වමත මිටි කොට ඇසක් පිස දැමුවොත්               ඔන්න
ඒ තමයි පණිවිඩය  මවෙත අරගෙන                  එන්න